تسريع اداء الجهاز بدون رووت !!!!!

(المرحلة الاولى) :
من خيارات التحكم بالنظام نروح على :
Settings > More > Developer options
وبعدين ننزل على خيار Drawing ونعمل off لكل من
windows animation scale - transition animation scale - animator duration scale (صورة رقم 1)

الان نجي على الخطوة المهمة جدا واللي هتعمل لينا فرق كبير في زيادة مساحة الرام المتاحة وبالتالي تحسين الاداء بشكل عام ...
في نفس Developer options نروح على خيار Apps ونختار
limit background processes 4 processes at most ودي هتخلي عدد محدود من التطبيقات شغال في الخلفية مش اكتر من 4 تطبيقات عشان ميحصلش ضغط على الرام والتطبيقات تشتغل بانسيابية وبدون تهنيج ....
مع ملاحظة مهمة جدا : كل مبتعمل اعادة تشغيل للجهاز تعيد الخطوة الاخيرة
limit background processes 4 processes at most
عشان في كل مرة لما بتعمل اعادة للتشغيل الخيار ده يرجع للوضع الافتراضي ولازم تغيره يدوي بنفسك ... افتكر كويس لازم تعيد الخطوة دي بعد متعمل ريستارت للجهاز ومش هعيد الكلام دا تاني ... (صورة رقم 2)

(المرحلة الثانية) :
تروح على :
Settings > More > Application manager > ALL
وتعمل ايقاف Turn off - Disable لكل تطبيقات وخدمات جوجل وسامسونج وغيرها الغير اساسية لعمل النظام واللي مبتستعملهاش لانها بتستهلك من الرام والبطارية كتير ... (صورة رقم3)
طيب هيجي مستخدم ويقولي ياعم ازاي اعرف ايه التطبيقات والخدمات اللي اعمل ليها ايقاف ؟؟؟
الحل انك بتستعين ولمرة واحدة فقط بخاصية مميزة موجودة في تطبيق Clean Master تخليك تتعرف على التطبيقات والخدمات اللي يمكن تعمل ليها ايقاف بأمان ...(صورة رقم 4)

وبعد متنتهي من عمل الايقاف للتطبيقات بالاستعانة ب Clean Master هتروح عامل مسح نهائي للتطبيق نعم مسح نهائي من الجهاز لانه من التطبيقات اللي بتستهلك من البطارية والرام ...

(المرحلة الثالثة) :
رفع اداء المعالج:
وضع توفير الطاقة وخصوصا فيما يتعلق بتقليل سرعة المعالج الخاصية ده بيقلل اداء الجهاز عموما بشكل كبير !!! .. وكمثال عند تقليل سرعة المعالج ضمن خيارات وضع توفير الطاقة في موبايل S3 I9300 فأن سرعة المعالج في هتقل من 1.4 GHz الى 1 GHz !!!! ودا بالنتيجه هيقلل من الاداء خصوصا في الالعاب والبرامج التقيلة ويعمل حالات تهنيج وبطئ في الجهاز ...
طيب ايه اللي لازم اعمله عشان يرجع المعالج الى وضعه الطبيعي بأعلى اداء ؟؟؟

الحل بأنك تروح على خيار توفير الطاقة وتروح شايل علامة الصح من قدام تحديد سرعة المعالج عشان المعالج يشتغل بأقصى سرعة وبالتالي يتحسن اداء الجهاز بشكل نسبي .. (صورة رقم5)

(المرحلة الرابعة) :
وهنا يجي دور المعلم الكبير التطبيق النجم Greenify واللي وضيفته يعمل اغلاق اجباري للتطبيقات اللي بتشتغل في الخلفية والنسخة المجانية منه تعمل اداء عالي حتى بدون رووت وفيه شروحات كتيرة عن كيفية استعمال التطبيق هتلقاها بمواقع كتيرة وان شاء الله هنعمل شرح عن استعمال Greenify .

(المرحلة الخامسة) :
بعض الحركات الاضافية اللي لازم تعملها في اعدادات النظام لتقليل استهلاك الرام والبطارية :
تعطيل المزامنة التلقائية ( Auto Sync ) .
تعمل ايقاف مزامنه لحسابك على جوجل ومتفتحهاش الا في اوقات معينه .
تعمل تقليل لسطوع الشاشة في خيار Display وتخليها بنسبة 25 % وبدون استعمال السطوع التلقائي auto brightness .
عدم استعمال الخلفيات المتحركة Live Wallpaper .
ايقاف خاصية تعدد النوافذ Multi window .
عدم استعمال اي تطبيقات مصغرة Widgets على الشاشة الرئيسية كتطبيقات الحالة الجوية Weather وغيرها .

حركات اضافية يمكن استعمالها ايضا لتقليل استهلاك البطارية ( الوضع المتطرف ) :
الغاء الاهتزاز Vibration اثناء رنين الموبايل وتلقي الاشعارات + الغاء اهتزاز Haptic feedback وذلك من خلال الدخول الى اعدادات Sound .
ايقاف نغمة لوحة المفاتيح Dialing keypad tone + صوت قفل الشاشة Screen lock sound من خلال اعدادات Sound .

(المرحلة السادسة) :
التعامل مع التطبيقات :
حاول تنزل التطبيقات اللي بتحتاجها فعليا في حياتك اليومية يعني مش تنزل 100 تطبيق وانت فعليا مبتستعملش غير 10 تطبيقات ... لان ال 90 تطبيق الباقية يمكن كتير منها بيشتغل في الخلفية وانت مش داري وبيستهلكو في الرام والبطارية وبعدين تيجي تقول انا عندي البطارية بتفضى بسرعة ليه !!!
تطبيقات زي الفيس بوك بيستهلك من الرام والبطارية والداتا بشكل كبير ( قاتل البطارية ) والافضل انك مبتستعملش التطبيق الرسمي وتستعمل الفيس من خلال المتصفحات وارشح ليك متصفح UC اللي بستعمله شخصيا او استعمال Facebook lite ...

تطبيقات حفظ البطارية وتسريع الجهاز والانتيفيروسات كلها غير مفيدة بالعكس بتستهلك من الرام والبطارية اكثر مما بتفيد فامتنع عن تسطيبها ...
فلو كنت عايز تنظف الملفات المؤقته Cash او الملفات الزيادة والتطبيقات ممكن تعملها يدوي بدون برامج ولو كنت مش قادر تتخلى عن تطبيق التنظيف فأعمل تنظيف للنظام عن طريق اي تطبيق يعجبك بس على شرط بعد ماتنتهي من عمل التنظيف تروح ماسح تطبيق التنظيف نهائي من الجهاز عشان مايبقى شغال في الخلفيه وبيستهلك رام وبطارية واعمل العملية دي بشكل دوري متباعد ....

بالنسبة الى متجر جوجل Play Store :
حاول توقف خاصية التحديث التلقائي للتطبيقات عشان في احيان كتيرة التحديثات الجديدة تكون فيها مشاكل وتعمل ايقاف اجباري للتطبيق او تهنيج للجهاز ...
عشان كدة اخنار تحديثات تطبيقاتك بنفسك وخصص ليها وقت معين .....
Settings > Auto-update apps > Do not auto-update apps

(المرحلة السابعة) :
التعامل مع بطاقة micro SD :
حاول تستعمل بطاقة من نوعية ومنشأ معروف وتكون اقل حاجة Class 6 والافضل طبعا Class 10 عشان نقل البيانات بين البطاقة وذاكرة الموبايل واستعادتها تكون سريعة وميحصلش في نفس الوقت تهنيج او اغلاق اجباري للتطبيقات المثبته بياناتها على البطاقة الخارجية والعكس صحيح لو استعملت بطاقة ذاكرة خارجية من منشأ غير معروف واقل من Class 6 فتوقع مشاكل كتيرة هتحصل ...

عند تسطيب التطبيقات الافضل انك بتخليها على الذاكرة الداخلية دون ان تنقلها لكرت الذاكرة الخارجي عشان تحصل على افضل اداء وبدون حصول مشاكل او بطئ او اغلاق اجباري للتطبيقات وتخلي الذاكرة الخارجية كخيار اخير لنقل التطبيقات في حال امتلاء مساحة الذاكرة الداخلية للجهاز ...

(المرحلة الثامنة) :
التعامل مع البطارية والشاحن :
الشاحن الاصلي والبطارية الاصليه هم الضمان لاداء امثل للجهاز ولو كانت البطارية معاك اكثر من سنه ونص وحسيت ادائها بدا يقل والشحن بيفضي بسرعة فالوقت حان عشان تستبدل البطارية بواحدة جديدة وتتأكد انها اصلية ومش تقليد والافضل انك تشتريها من محل مضمون او وكيل وبرضو الكلام دا بالنسبة للشاحن ...

في النهاية اتمنى تقييم الموضوع وتجربتكم بعد عمل الخطوات المذكورة في الشرح ... عشان الكل يستفيد من تجربتك ...